Feedback List

If you are satisfied with our service, tell about us!

If you are dissatisfied with our service, tell us!

All Feedbacks Add Feedback

Companies Rating

Atəşgah Sığorta All Feedbacks 74 Add Feedback

sığorta ödənişi

Rate +1 Pending

28.10.2018-ci il tarixdə 90CG936 nömrəli avtomaşın Porshe Cayenne S markalı 90TT575 qeydiyyat nişanlı avtomaşının arxa bamperinin zədələmişdi. Porshe markalı avtomobilin sahibi avtomobilin yalnız ixyisaslaşmış servis mərkəzində təmir olunmasını təkid edərək Porshe Servis tərəfindən zərərin qiyməti 4275 AZN məbləğində qiymətləndirilmişdir. Bununla əlaqədar "Atəşgah" sığorta şirkətinə müraciət etdikdə şirkətdən bildirilmişdir ki, zərərin məbləği öz qiymətləndiriciləri tərəfindən müəyyən olunmaqla təmir işləri əməkdaşlıq etdikləri ustalar tərəfindən aparılacaq. Hesab edirəm ki, bu düzgün yanaşma deyil. Belə ki, avtomobilin hər hansı bir yerdə deyil, məhz istehsalçı Porshe şirkəti tərəfindən belə işlərin görülməsinə səlahiyyət verilmiş, əməkdaşları müvafiq treninqlərdə iştirak etmiş ixtisaslı servis tərəfindən aparılıması daha düzgün olardı. O cümlədən sığorta ödənişinin məbləği də Porshe servisin mütəxəssisləri tərəfindən müəyyən edilməlidir.

Atəşgah Sığorta 15:37 06.11.2018 id : 119

Atəşgah Sığorta

Nəzərinizə çatdırmaq istərdik ki, Azərbaycan Respublikası Mülki Məcəlləsinin 925.1-ci maddəsinə əsasən dəymiş zərərin miqdarını sığortalının, sığorta olunanın və ya faydalanan şəxsin təqdim etdiyi sığorta tələbi əsasında sığortaçı müəyyən edir. Eyni zamanda "İcbari sığortalar haqqında" Qanunun 16.2-ci maddəsinə əsasən Sığortaçı sığorta hadisəsi nəticəsində dəymiş zərərin məbləğini bilavasitə özü və ya “Sığorta fəaliyyəti haqqında” Qanunun 10.10-cu maddəsinin tələbini nəzərə almaqla təyin etdiyi sığorta sahəsində yardımçı fəaliyyət göstərən müvafiq şəxs vasitəsilə müəyyən edir. Həmin maddəyə əsasən, zərərin sığortaçı tərəfindən müəyyən edilmiş həcmi barədə tərəflər arasında razılıq əldə edilmədikdə, zərərin miqdarının qiymətləndirilməsi “Sığorta fəaliyyəti haqqında” Azərbaycan Respublikası Qanununun 10.10-cu maddəsinin tələbi nəzərə alınmaqla tərəflərin qarşılıqlı razılığı ilə təyin olunan qiymətləndirmə fəaliyyəti ilə məşğul olan müstəqil ekspert tərəfindən aparılır. Qeyd edilənlərdən görünür ki, icbari sığorta üzrə zərərin həcminin müəyyən edilməsi Sığortaçının hüququdur və Sığortaçının zərər dəymiş avtomobili rəsmi servisdə qiymətləndirmək və ya təmir etdirmək kimi vəzifəsi qanunvericilikdə nəzərdə tutulmamışdır. Bildiririk ki, bu cür şərtlər müvafiq sığorta qaydalarının tələbləri və tərəflərin razılaşması nəzərə alınmaqla yalnız könüllü sığorta müqavilələrində nəzərdə tutula bilər. Həmçinin bildirmək istərdik ki, avtomobilə dəymiş zərərin dəqiq və ətrafli qiymətləndirilməsinin aparılması məqsədilə zərərçəkmiş şəxsə servisə yaxınlaşmaq və ya avtomobili təqdim etməsi təklif olunmuşdur.

2018-11-08 01:55:35