İdxal olunan avtomobillərlə bağlı aksizlər və gömrük rüsumu üzrə mədaxil - ARTIRILIR

Azərbaycan Respublikasının 2023-cü il dövlət büdcəsində idxal olunan minik avtomobillərinə tətbiq edilən aksizlər üzrə mədaxil 120 000,0 manat artırılaraq 60 120 000,0 manata çatdırılır.

FED.az xəbər verir ki, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında büdcəyə dəyişikliklər müzakirə edilib.

Bununla yanaşı dövlət büdcəsində idxal olunan avtonəqliyyat vasitələrinə tətbiq edilən gömrük rüsumunun 360 000,0 manat artırılaraq 90 460 000,0 manata çatdırılması nəzərdə tutulur.

Ümumilikdə Azərbaycan Respublikasının 2023-cü il dövlət büdcəsinin gəlirləri 30 773 978,0 (+53 278,0) min manat, xərcləri 33 353 278,0 (+53 278,0) min manat (o cümlədən, mərkəzləşdirilmiş gəlirləri 30 016 998,0 (+53 278,0) min manat, yerli gəlirləri 756 980,0 min manat, mərkəzləşdirilmiş xərcləri 32 583 992,0 (+53 278,0) min manat, yerli xərcləri 769 286,0 min manat) məbləğində təsdiq edilir.

Müzakirələrdən sonra büdcə üçüncü oxunuşda plenar iclasa tövsiyə edilib. (Trend)

Mənbə: Fed.az