Feedback List

Xidmətimizdən razı qaldınızsa bizdən danışın!

Xidmətimizdən narazı qaldınızsa bizimlə danışın!

All Feedbacks Add Feedback

Companies Rating

Dövlət Sığorta Şirkəti All Feedbacks 32 Add Feedback

Süründürməçilik

Rate +1 Pending

Salam. 25 oktyabr 2018-ci il tarixində istifadəmdə olan 25BA505 DQN-li Hyundai Santafe markalı avtomobilimlə Göygöl rayon Mərkəzi Xəstəxanasının qarşısından keçib AFOŞ adlı avtomobil təmiri sexinin qarşısında bütün yol hərəkəti qaydalaraına riayət edərək yolun kənarında dayandım. Avtomobildən düşmək istəyərkən arxadan bir avtomobil böyuk zərbə ilə maşınıma çırpıldı. Maşından düşdükdən sonra, məlum oldu ki, 20CV792 DQN-li Mersedes markalı avtomobil yol hərəkəti qaydalarını pozaraq yola daxil olan 25BB188 DQN-li 2106 Lada markalı avtomobillə toqqusub və sonuncunu gətirib mənim maşınıma arxadan çırpmışdır. Hadisə yerinə DYP əməkdaşları və Azərbaycan Dövlət Sığorta Kommersiya Şirkətinin nümayəndələri gəldi və hadisə aktlaşdırılaraq rəsmiləşdirildi. Tərtib olunan sənədlə tam təsdiq olundu ki, mən bütün qaydalara əməl edərək avtomobili yol kənarında saxlamışam və bu hadisədə mən zərərçəkənəm. Sonradan mənim iştirakım olmadan dəymiş zərərin müəyyənləşdirilməsi məqsədilə qiymətləndirmə üzrə mütəxəssis dəvət olunub və mənim avtomobilimə dəymiş zərər ilkin olarak 2600 manat müəyyənləşdirilib. Sonradan məlum oldu ki, bu ilkin qiymətləndirmədir, zədələnmiş detalların alt hissələrinə baxılmadığı üçün zərər az qiymətləndirilib. Lakin, buna baxmayaraq, əlavə get-gəllə, uzun sənədləşmə işlərilə üzləşməmək üçün qiymətləndirmə ekspertinin ilkin qiymətləndirmə məbləği ilə razılaşaraq, sənədləri imzaladım. Fikirləşdim ki, ödəniləcək məbləğin üzərinə müəyyən məbləğ də özüm əlavə edərək avtomobilimi tezliklə təmir etdirərəm. Çünki, mənim işim tamamilə avtomobillə bağlıdır və uzun müddətə avtomobilsiz qalmaq mənə böyük zərbə deməkdir. İşin sürətli getməsi məqsədilə bank hesabı da açıb, məlumatları sığorta şirkətinə göndərmişəm. Bütün bunları düşünərək üzləşəcəyim maddi zərəri gözüönünə alaraq sənəd imzalamağıma baxmayaraq, artıq bir aydan çox vaxt keçməsinə rəğmən sığorta şirkəti tərəfdən mənimlə əlaqə yaradılmayıb, hesabıma vəsait ödənilməyib. Hadisə nəticəsində avtomobilim ciddi şəkildə zədələnib, mənə maddi və mənəvi zərbə vurulub, iş keyfiyyətim və imkanlarım zəiflədilib. Bütün bunlarla yanaşı, Azərbaycan Dövlət Sığorta Kommersiya Şirkəti mənim qanunla qorunan hüquqlarımı kobud şəkildə pozaraq bir aydan artıqdır dəymiş zərəri heç bir əsas gətirmədən ödəmir, süründürməçiliklə məşğuldur. Qanunla müəyyənləşmiş hüquqlarımın qorunması və mənə dəymiş zərərlə bağlı vəsaitin ayrılmasına köməklik etməyinizi xahiş edirəm. (Qiymətləndirmə aktının surətini əlavə edirəm) Hörmətlə, hadisə nəticəsində zərərçəkmiş Muraz Rzayev

AHX Dövlət Sığorta Şirkəti 09:58 30.11.2018 id : 163

Dövlət Sığorta Şirkəti

Sizin 30 noyabr 2018-ci il tarixli məktubunuza cavab olaraq bildiririk ki, Vəliyev Taleh Bəşir oğlunun idarə etdiyi VAZ 2106 markalı, AZ 25 BB 188 dövlət nömrə nişanlı nəqliyyat vasitəsi ilə vətəndaş Şahverdiyev Anar Saday oğlunun idarə etdiyi MERCEDES BENZ C180 markalı, AZ 20 CV 792 dövlət nömrə nişanlı nəqliyyat vasitəsi, Rzayev Muraz Ağası oğlunun idarə etdiyi HYUNDAİ SANTAFE markalı, AZ 25 BA 505 dövlət nömrə nişanlı nəqliyyat vasitəsi ilə toqquşmuşdur. Təqdim edilmiş sənədlərdən müəyyən oldu ki, vətəndaş Şahverdiyev Anar Saday oğlunun idarə etdiyi MERCEDES BENZ C180 markalı, AZ 20 CV 792 dövlət nömrə nişanlı nəqliyyat vasitəsinə 5.181 (beş min bir yüz səksən bir) manat, vətəndaş Rzayev Muraz Ağası oğlunun idarə etdiyi HYUNDAİ SANTAFE markalı, AZ 25 BA 505 dövlət nömrə nişanlı nəqliyyat vasitəsinə 2.660 (iki min altı yüz altmış) manat zərər məbləği müəyyən edilmişdir. Dəymiş zərər məbləğləri “Azərbaycan Respublikasında nəqliyyat vasitəsi sahiblərinin mülki məsuliyyətinin icbari sığortası haqqında” Qanuna əsasən vətəndaşlar arasında mütənasib qaydada bölündükdən sonra vətəndaş Şahverdiyev Anar Saday oğluna 3.300 (üç min üç yüz) manat, vətəndaş Rzayev Muraz Ağası oğluna 1.700 (bir min yeddi yüz) manat sığorta ödənişi hesablanmış və ödənilməsi barədə Mühasibat Uçotu Departamentinə 13 dekabr 2018-ci il tarixli CML-2032 və CML-2048 saylı akt verilmişdir.

2018-12-18 10:41:03