preloader gif

Aqrar sığortanın əhatə etdiyi rayonların SAYI AÇIQLANIB


Xidmətimizdən razı qaldınızsa bizdən danışın!

Xidmətimizdən narazı qaldınızsa bizimlə danışın!

sığorta,sigorta,sigorta xeberleri,sigorta odenisleri,sığorta xəbərləri,sigorta sirketleri,sığorta şirkətləri
14:36 16.08.2021

Azərbaycanda 2020-ci ilin sonundan tətbiqinə başlanılmış dövlət dəstəkli aqrar sığorta artıq ölkənin əksər ərazilərini əhatə edib. Aqrar Sığorta Fondundan verilən məlumata görə, indiyədək Azərbaycanın 60 rayonunda əkin sahələri və südlük inək-camışlar sığortalanıb.

Kənd təsərrüfatı heyvanlarının sığortası 60-dan artıq rayonu əhatə edib. Bu işlər çərçivəsində ölkə fermerləri tərəfindən istifadə edilən “Braun-Şivis”, “Holştin-friz”, “Jersey”, “Simmental” və yerli cinsli inək-camışlar sığortalanıb. Sığortalanan heyvanların sayı 9,6 minə yaxınlaşıb. Ən çox sığortalanan heyvanlar yerli cinslərdir.

Bundan başqa, indiyədək aqrar sığorta çərçivəsində 15 min hektara yaxın əkin sahəsi sığortalanıb. Sığortalanan əkin sahələri ölkənin 22 rayonunda yerləşir. Ən çox sığortalanan bitkilər – pambıq, buğda, arpa və üzümdür. Əkin sahələrini və heyvanlarını sığorta edənlər arasında həm iri təsərrüfatlar, həm də kiçik sahibkarlar var.

Paralel olaraq aqrar sığorta çərçivəsində sığorta hadisələri və ödənişlərin də həcmi artmaqdadır. Azərbaycanda ilk aqrar sığorta ödənişinin həyata keçirildiyi 29 iyun tarixindən indiyədək heyvandarlıq sahəsində 30-dək sığorta hadisəsi baş verib və ödənişlər həyata keçirilməkdədir.

Aqrar sığorta qaydalarına əsasən, hadisə baş verdikdə, bütün sənədlər təqdim edildikdən sonra 7 gün ərzində sığorta ödənişi sahibkarın hesabına köçürülür.

Aqrar sığorta mexanizmi kənd təsərrüfatı sahəsində çalışanların və investorların risklərdən qorunması, aqrar sektorun təhlükəsiz biznes sahəsinə çevrilməsi və davamlı inkişafı üçün tətbiq edilib. Türkiyənin bütün dünyada məşhur olan TARSİM modeli əsasında Azərbaycanda tətbiq edilmiş aqrar sığorta çərçivəsində 14 növ bitki və südlük inək-camışlar sığortalanır. Qarşıdakı aylarda aqrar sığortanın əhatə etdiyi məhsulların sırası daha da genişləndiriləcək.

Sığortalanan bitkilərin sayının indiki 14-dən 40-dək artırılması, eləcə də südlük inək-camışlarla yanaşı, ətlik mal-qara, qoyun və keçi təsərrüfatlarının da sığortalanması nəzərdə tutulur.

Mənbə: Fins.az

SIĞORTANI İNDİ ƏLDƏ ET